26.12.2011 7:03

Pala joulurauhaa ja hyvvää Tapania rakhaat ihmiset, met pikkuset!

Pala rauhaa,
saiskos olla,
no sais.
Ja joulurauhaa met katama
tämän päivän elämänpöythään!

Pala rauhaa a la Jaajo
ja on aamulypsykki loppuhneet.
Koitama pärjätä!
Netki navettareissut on sitte taakse jäänyttä elämää.
Kyllä met pärjäämä.

Niin monet polut umpeutuu,
niinhän se elämä mennee.
Ja uusia luuhaan niin kauvvanko elämää riittää.

Pala rauhaa tämänki päivän pöythään.
Pala rauhaa,
mielenrauhaa,
joulurauhaa!

Tapaninpäivänä ajethaan reellä,
tapanin ajelua,
menhään kyläreissulle.
Tai ennen ainaski ajethiin ja käythiin.
Muistaakohan kukhaan muuko mie ja minun isä 83v!

Tai niinko nykyhjään
ja niinko mie,
methän ajama autolla.
Ja mie ajoin jo,
kävin jo heti aamusta puoli kuuelta,
kävin viemässä jouluviehraita junalle
ja räntä roisku ja hiljasta oli.
Ja sitte iltapäivästä menhään oiken kylhäänki!

Nyt kynttilä pallaa
ja toinen kuppi kahvia
ja kiitollista joulumieltä!
t. ämmi
http://www.laronia.com/ilo.html